Sera verð orð og lag: Steintór Rasmussen

Sera Verð

 

Hvønn dag so hugsi eg

Um tey smáu orð eg siga vil við teg

Løtan hon er kær

Tú ert nakað serligt í lívinum mær

Á, títt smíl, tín heita hond

At merkja teg og tína nánd

Og láturin sum fylgir við

Ver við mína lið

 

Hoyr mítt hjartað slær

Tað býr nakað sera vakurt í tær

Tú lýsir upp mín dag

Nei, ongin er sum tú, og tú skalt vita tað

Sum ælabogin skiftir lit

Líka ymisk eru vit

Tú ríkar mína føgru ferð

Í hesi seru verð

 

Eg so fegin eri

Tær sólina eg beri

Og allar stjørnur himli á

Sangurin skal ljóma

Kærleikin skal blóma

Tú ert ein følin summardá

 

Í hesi seru verð

At vera nakað serstakt onki serligt er

Tað er ein sermerkt tíð

Og serfrøðin spyr serlingin hví

Vit duga sjálv so sera væl

Serkøn siga hvat ein skal

Ei undur í øll gerast ser

Í hesi seru verð

 

Eitt tvey trý fýra fimm, verðin hon er bimmelimm

Mítt abc dugi eg og tú veitst at eg elski teg