Námsfrøðingur til Umlættingarheimið Dáin 
 
Umlættingarheimið Dáin søkir eftir námsfrøðingi, at byrja 1. Sept 2025 

Starvið er eitt farloyvisstarv á 20 tímar frá 1. Septembur 2025 til 28. Februar 2026, í skiftandi vaktum, dag og døgnvaktir og annað hvørt vikuskifti. 

Dáin er ein samdøgurstovnur, har børn, ung, vaksin og eldri heimabúgvandi borgarar við menningartarni koma til umlætting í styttri ella longri tíðarskeið. Talan er bæði um skipaða umlætting, har ávísir bólkar eru, og umlætting har fleiri aldursbólkar eru umboðaðir samstundis. Umframt døgnumlætting hevur Dáin eina dagumlætting, sum hevur opið allar gerandisdagar eftir skúlatíð til kl. 17.00 

Vit leggja dent á, at geva øllum borgarum eina góða, trygga og innihaldsríka uppliving, har møguleiki er fyri menning og at knýta vinarbond. 

Vit kunna bjóða: 
Ein stovn í menning, har tú fært møguleika at seta tín dám á dagin 
At starvsfólk fáa fakliga menning 
Eitt lívsjáttandi starv saman við menniskjum, har tú fært møguleikar at gera ein mun 

Vit vænta at tú: 
Ert opin, fyrikomandi, nærverandi og rúmar ymiskleikum 
Sært møguleikar og avbjóðingar fram um mørk 
Kanst arbeiða sjálvstøðugt 
Hugsar um menning hjá hvørjum einstøkum menniskja 
Ert sterk/ur í at samskifta og leggja dent á gott samstarv 

Setanar- og lønarviðurskiftir eru sambært sáttmála millum Føroya Pedagogfelag og Fíggjarmálastýrið. 
Umsókn saman við prógvi og møguligum viðmælum skal sendast okkum, umvegis teldupost dain@av.fo og verða okkum í hendi seinasta lagi mánadagin 14 juli 2025 kl. 12.00. 

Meira fæst at vita um starvið við at venda sær til Onnu Mariu Jákupdóttir leiðara, á tlf. 297752, ella Vinni Lilaa  varaleiðara, á tlf. 457185 ella 457187, gerandisdagar. 

Um ongin námsfrøðingur søkir, verður hjálparfólk sett.